ZER DIRA
ENERGIA-KOMUNITATEAK
Energia-komunitateak legez eratuta dauden pertsona-taldeak dira, kasu askotan tokiko entitateekin eta enpresa txiki eta ertainekin batera, energia garbiko proiektu bat (edozein motatakoa, ez elektrizitatea bakarrik) aurrera eramateko helburuarekin eta beti printzipio hauetan oinarrituz:
DESZENTRALIZAZIOA
PARTE-HARTZAILEA
Hau da, eredu energetikoaren aldaketaren protagonistak pertsonak izateko formula bat da. Beraiek dira sistema eraldatzen eta demokratizatzen laguntzen dutenak, enpresa handien menpe ez egoteko.
Proiektu hauek indarra hartzen hasita daude Espainiako lurralde osoan, baina oraindik bide luzea dago Espainiako herri gehienetan ezarri arte.
Hala ere, energia ekoizteko eta kudeatzeko modu berri honen aitzindari eta sustatzaile bihurtu dira herritarrak: klima-aldaketara egokitzeko funtsezkoa den eredua, berotegi-efektuko gasen emisioak murrizten dituelako, energia berriztagarri deszentralizatuak ezartzea bultzatzen duelako eta genero justizia duten komunitate erresilienteak sortzen laguntzen duelako.
• Gakoa dira energia demokratizatzeko.
• Multinazionalekiko independentzia energetikoa areagotzen dute.
• Argindarraren faktura murrizten dute.
• Planetaren mugak kontuan hartzen dituen kontsumo ohituren aldaketa sustatzen dute.
• Emisioak murrizten eta krisi klimatikoari aurre egiten laguntzen dute.
• Pobrezia energetikoari aurre egiteko aukera dira.
• Emakumeek eta energiaren sektorean ordezkapen gutxi duten beste talde batzuek aldaketaren bektore gisa parte hartzea sustatzen dute.
• Tokiko produkzioa indartzen dute.
• Komunitate erresilienteagoak sortzen dituzte.
• Parte-hartzaileei energiari buruz gehiago ikasteko eta ezagutzeko aukera ematen diete.
Energia-komunitateek etxeko eta hirugarren sektoreko elektrizitate-eskariaren ia % 100a estal dezakete
APROBETXA DEZAGUN UNEA!
ENERGIA-KOMUNITATEEK?
Energia komunitate bat sortzea prozesu motela da eta testuingurua, orain arte, ez da oso aldekoa izan.
Urte hauetan zehar, energia-oligopolioak eta aurreko gobernuaren energia-politikek –«eguzkiaren gaineko zerga» famatua esaterako– eskala txikiko berriztagarrien ezarpena zaildu dute. Horri gehitzen zaizkio legedi espezifikorik ez izatea, oztopo burokratikoak, sistema elektrikoari buruzko ezagutza eza eta horrek sortzen digun beldurra, baita aurkezten zaizkigun aukera juridiko edo teknikoen aukera zabala ere.
Hala ere, egoera aldatzen ari da eta energia komunitateen ezarpena indarra hartzen ari da. Hasieran batean zaila dirudien arren, energia komunitate bat sortzea POSIBLE DA. Dagoeneko nahiko aurreratuta dauden proiektuen adibide aitzindariak badaude gure lurraldean.
Komunitate hauek handitzen jarraitzeko, Amigos de la Tierra-tik, mota honetako ekimen bat osatzeko ahaleginetan daudenentzat, oztopo-lasterketa batean gal ez daitezen jarraitu beharreko bidea pausoz pauso azaltzen duen gida bat sortu dugu.
EMAN PAUSOA
HAR DEZAGUN ENERGIA!
