QUE SON AS
COMUNIDADES ENERXÉTICAS?
As comunidades enerxéticas son colectivos de persoas que se constitúen legalmente, en moitos casos xunto con entidades locais e pequenas e medianas empresas, para levar a cabo un proxecto de enerxía limpa (de calquera tipo, non só eléctrica) sempre baseado en:
DA ENERXÍA
PARTICIPATIVA
DE ORIXE RENOVABLE
É dicir, é unha fórmula para que as persoas sexan as protagonistas do cambio de modelo enerxético. Son elas as que contribúen a transformar e a democratizar o sistema, facendo que deixemos de depender das grandes empresas.
Estes proxectos comezan a coller forza en todo o territorio español, pero aínda queda moito por percorrer para a súa implantación en boa parte dos concellos españois.
Aínda así, os cidadáns están a ser realmente os pioneiros e impulsores desta nova forma de producir e xestionar a enerxía: un modelo clave na adaptación ao cambio climático, xa que reduce as emisións de gases de efecto invernadoiro, favorece a implantación de enerxías renovables descentralizadas e contribúe xerando comunidades resistentes con xustiza de xénero.
comunidades enerxéticas?
• Son claves para democratizar a enerxía.
• Aumentan a independencia enerxética das multinacionais.
• Reducen a factura da luz.
• Promoven un cambio de hábitos de consumo que teñen en conta os límites do planeta.
• Contribúen á redución de emisións e á loita contra a crise climática.
• Son unha oportunidade para loitar contra a pobreza enerxética.
• Promoven que as mulleres e outros colectivos infrarrepresentados no sector enerxético participen como vectores de cambio.
• Reforzan o tecido produtivo local.
• Crean comunidades máis resistentes.
• Permiten persoas participantes aprender e coñecer máis sobre a enerxía.
As comunidades enerxéticas poderían cubrir case o 100% da demanda eléctrica do sector doméstico e terciario
Segundo o informe “O potencial da enerxía comunitaria no estado español” de Amigas da Terra
Das moitas oportunidades e vantaxes que ofrecen as comunidades enerxéticas, hai que engadir o seu apoio por parte da administración e dun contexto actual avorable para a súa expansión, con cambios lexislativos (que se produciron e se seguirán producindo) e modificacións administrativas a nivel europeo e que buscan impulsar este tipo de proxectos.
Aproveitemos o momento!
comunidades enerxéticas?
A creación dunha comunidade enerxética é un proceso lento e o contexto, ata o de agora, non foi o máis favorable.
Ao longo destes anos, o oligopolio enerxético e as políticas enerxéticas do goberno anterior –como a famosa “taxa do sol”– dificultaron a implantación das renovables a pequena escala. A isto súmaselle a falta de lexislación específica, os atrancos burocráticos, o descoñecemento do sistema eléctrico e o medo que este nos esperta, así como o amplo abano de opcións legais ou técnicas que se nos presentan.
Porén, a situación está cambiando e a implantación das comunidades enerxéticas está cobrando forza. Aínda que ao principio poida parecer complicado, crear unha comunidade enerxética É POSÍBEL. Xa hai exemplos pioneiros nun estado avanzado no noso territorio.
Para seguir aumentando estas comunidades, en Amigas da Terra elaboramos unha guía que explica paso a paso o camiño a seguir para formar unha iniciativa deste tipo e non perderse nunha carreira de obstáculos.
Dá o paso!
Fagamos nosa a enerxía!
